|
جايي عَ بالي... خربط شفافِك!
وملّع
قميص اللّيل
عَ
كتافك...
وإمحي بزندي خصرك المعجوق،
وطفّي بصدري نار... نفنافك
جايي عَ بالي…
ضلّ محّيكي
تيدوب عمري، وينتهي
فيكي!
يِمْكِن؟ عَ غفلة...
نخلق من جديد،
عيونك خمر. والحبّ...
كاس نبيد!
وتشهق الصّدفة عا شبابيكي،
وترسم دموع الشّمس...
عَ
القرميد:
عيون وشَعر وشفاف... خصر وإيد
نغفى!... قصيدة مفرّعة
عَ
جليد…
ويوعى!.. الشِّعِر بجنون أوصافِك،
ويصير... كلما بحيرتي شافِك:
يلبس جنوني...
ويشلح ظنوني،
ويطلع عَ بالو...
يخربط
شفافِكْ،
ويسكن
بعطر اللّيل عَ كتافِك!
الياس زغيب
|
